پنجاب میں موسم گرما کی چھٹیوں کے بعد اسکولوں کے اوقات کار جاری

محکمہ تعلیم پنجاب نے موسم گرما کی چھٹیوں کے بعد اسکولوں کے اوقات کار جاری کردیے۔

اس حوالے سے جاری نوٹیفکیشن کے مطابق 24 اگست سے سنگل شفٹ اسکول صبح 8 بجے شروع ہوں گے، جبکہ چھٹی ڈیڑھ بجے ہوگی۔

اسی طرح ڈبل شفٹ والے اسکول صبح 8 سے دوپہر 12 بجے اور دوپہر 1 بجے سے شام ساڑھے 5 بجے تک کھلے رہیں گے۔

نوٹیفکیشن کے مطابق جمعہ کو سنگل شفٹ اسکول 8 بجے شروع ہوں گے، چھٹی 12 بجکر 45 منٹ پر ہوگی جبکہ ڈبل شفٹ والے اسکول جمعہ کو 8 بجے سے دوپہر 12 بجے اور دوپہر 2 بجے سے شام ساڑھے 5 بجے تک کھلے رہیں گے۔