پاکستان اور برطانیہ کا رابطے میں رہنے اور تعاون بڑھانے پر زور

وزیر خارجہ اسحاق ڈار کی برطانوی وزیر خارجہ ڈیوڈ لیمی سے ٹیلیفونک گفتگو ہوئی ہے۔

ترجمان دفتر خارجہ کے مطابق اس گفتگو کے دوران اقوام متحدہ سمیت عالمی فورمز پر تعاون بڑھانے پر تبادلۂ خیال کیا گیا۔

ترجمان دفترخارجہ نے بتایا کہ دونوں رہنماؤں نے اقوام متحدہ میں رواں ماہ ہونے والے اجلاسوں کی سائیڈ لائنز پر ملاقات کرنے پر اتفاق کیا۔

ترجمان دفتر خارجہ کے مطابق اسحاق ڈار اور ڈیوڈ لیمی نے رابطے میں رہنے اور تعاون بڑھانے پر بھی زور دیا ہے۔