فواد چوہدری عطاؤ تارڑ کے مشکور کیوں؟
سابق وفاقی وزیرِ اطلاعات فواد چوہدری نے ن لیگی وفاقی وزیر عطاء اللّٰہ تارڑ سے اظہارِ تشکر کیا ہے۔
فواد چوہدری نے پاکستان ٹیلی ویژن (پی ٹی وی) میں نام کی تختی بحال کرنے پر وفاقی وزیرِ اطلاعات کا شکریہ ادا کیا۔
انہوں نے کہا ہے کہ بطور وفاقی وزیرِ اطلاعات مجھے پی ٹی وی کے کانفرنس روم کا افتتاح کرنے کا اعزاز حاصل ہوا تھا، 2022ء میں حکومت تبدیل ہوتے ہی میرے نام کی تختی ہٹا دی گئی تھی۔
فواد چوہدری نے یہ بھی کہا کہ وفاقی وزیر عطاء تارڑ نے پی ٹی وی میں میرے نام کی تختی بحال کر کے مجھے آگاہ کیا ہے، اچھے طرزِ عمل کا مظاہرہ کرنے پر میں اُن کا مشکور ہوں۔
Load/Hide Comments
