اسلام آباد انٹرنیشنل ایئرپورٹ پر پری حج آپریشن مکمل

اسلام آباد انٹرنیشنل ایئرپورٹ سے پری حج آپریشن مکمل کر لیا گیا ہے۔

پاکستان ایئرپورٹ اتھارٹی (پی اے اے) کے مطابق اسلام آباد انٹرنیشنل ایئرپورٹ سے کل 191 پروازیں روانہ ہوئیں، اسلام آباد ایئرپورٹ سے مجموعی طور پر 32 ہزار 196 عازمین حج روانہ ہو چکے ہیں۔

پی اے اے کے مطابق روٹ ٹو مکہ کے تحت 108 پروازوں سے 29 ہزار 603 عازمین روانہ ہوئے۔

اسلام آباد انٹرنیشنل ایئرپورٹ کے منیجر آفتاب گیلانی کے مطابق 83 نجی اور شیڈول پروازوں سے 2 ہزار 593 عازمین فریضہ حج کی ادائیگی کےلیے سعودی عرب روانہ ہوئے۔