عید کے دن کراچی میں موسم کیسا رہے گا؟

عید کے دنوں میں سندھ کے بیشتر مقامات پر موسم گرم رہنے کا امکان ہے۔

محکمہ موسمیات کے مطابق عید کے تینوں دن کراچی میں مطلع جزوی ابرآلود اور موسم گرم و مرطوب رہنے کا امکان ہے۔

محکمہ موسمیات نے بتایا کہ شہر کا درجہ حرارت 35 سے 37 ڈگری سینٹی گریڈ تک رہنے کا امکان ہے۔

محکمہ موسمیات کے مطابق کراچی میں عید کے دنوں میں سمندری ہوائیں بحال رہنے کا امکان ہے جبکہ عید کے دوسرے دن تیز ہوائیں چل سکتی ہیں۔

محکمہ موسمیات نے بتایا کہ  شہر میں ہواؤں کی رفتار 35 سے 40 کلومیٹر فی گھنٹہ تک پہنچ سکتی ہے۔