عدالت پیشی کیلئے آںے پر بھی ناکوں پر روکا جاتا ہے: کنول شوذب

پاکستان تحریک انصاف (پی ٹی آئی) کی رکن قومی اسمبلی کنول شوذب کا کہنا ہے کہ جی ایچ کیو کیس میں عدالت پیشی پر آنے پر بھی ناکوں پر روکا جاتا ہے۔

راولپنڈی میں کنول شوذب نے اڈیالہ جیل کے باہر میڈیا سے گفتگو کرتے ہوئے کہا کہ اوپن کورٹ کے سارے تقاضوں کو ختم کردیا گیا ہے۔

ان کا کہنا ہے کہ ہمارے سینئر وکلا کو جیل کے باہر دھوپ میں کھڑا رکھا جاتا ہے، وہ ہمارے سینئر وکیل ہیں ان کو اندر نہیں جانے دیا گیا۔

پی ٹی آئی کی رہنما کا کہنا ہے کہ بشریٰ بی بی کا قصور یہ ہے کہ وہ بانی پی ٹی آئی کی اہلیہ ہیں، 16 دن سے بشریٰ بی بی کو قید تنہائی میں رکھا گیا ہے، بشریٰ بی بی کے کمرے میں چوہے اور کیڑے مکوڑے پھر رہے ہیں۔