گنگا رام اسپتال لاہور کے بلڈ بینک میں سیکیورٹی گارڈ کے خون کے نمونے لینے کی ویڈیو
گنگا رام اسپتال لاہور کے بلڈ بینک میں سیکیورٹی گارڈ کے خون کے نمونے لینے کی ویڈیو سامنے آئی ہے۔
میڈیکل سپرنٹنڈنٹ (ایم ایس) گنگا رام اسپتال ڈاکٹر عارف کے مطابق اسپتال انتظامیہ نے فوٹیج سامنے آنے پر ملوث عملے کو ہٹا دیا۔
انھوں نے کہا کہ واقعے کی تحقیقات کے لیے 3 رکنی انکوائری کمیٹی تشکیل دے دی۔
اسپتال کے میڈیکل سپرنٹنڈنٹ ڈاکٹر عارف کا مزید کہنا تھا کہ اے ایم ایس ایڈمن گنگا رام اسپتال ڈاکٹر ظل ہما کی سربراہی میں کمیٹی تحقیقات کرے گی۔
انھوں نے کہا کہ خون کے نمونے لینے کے واقعے میں سپروائزر اور سیکیورٹی گارڈ کو ہٹا دیا گیا ہے۔
ڈاکٹر عارف نے کہا کہ نجی سیکیورٹی کمپنی کو خراب کارکردگی پر 50 ہزار روپے جرمانہ جمع کرانے کی ہدایت کی ہے۔
Load/Hide Comments
