وزیر پلاننگ نے آج معیشت کی افسردہ سی تصویر دی، مزمل اسلم

مشیر خزانہ خیبر پختونخوا مزمل اسلم نے کہا ہے کہ وزیر پلاننگ نے معیشت کی آج افسردہ سی تصویر دی ہے۔

اسلام آباد میں میڈیا سے گفتگو میں مزمل اسلم نے کہا کہ ملک میں شرح نمو ڈیڑھ فیصد سے بھی کم ہے، میں نے میٹنگ میں آج پوچھا کہ شرح نمو کو دکھانے میں کیوں دھاندلی کی۔

انہوں نے کہا کہ بتایا گیا بجلی کی پیداوار میں اضافہ سولر کی وجہ سے ہوا اس سے شرح نمو میں اضافہ ہوا۔

مشیر خزانہ خیبر پختونخوا نے مزید کہا کہ کراچی میں عید کے جانور نایاب اور مہنگے ہو چکے ہیں، وزیر پلاننگ نے معیشت کی آج افسردہ سی تصویر دی ہے۔

اُن کا کہنا تھا کہ پاکستان کی تاریخ میں 11 سال احسن اقبال وزیر رہے، آج احسن اقبال نے کہا کہ وہ مزید وزیر رہتے تو ملک کی تقدیر بدل دیتے۔