حکومت بانی پی ٹی آئی کا پولی گراف ٹیسٹ زبردستی نہیں کرا سکتی: جسٹس ریٹائرڈ وجیہ
عام لوگ اتحاد کے رہنما جسٹس ریٹائرڈ وجیہ الدین کا کہنا ہے کہ حکومت بانیٔ پی ٹی آئی کا پولی گراف ٹیسٹ زبردستی نہیں کرا سکتی۔
کراچی سے جاری بیان میں عام لوگ اتحاد کے رہنما جسٹس ریٹائرڈ وجیہ الدین نے یہ بات کہی ہے۔
ان کا یہ بھی کہنا ہے کہ حکومت اور اپوزیشن میں نیا میثاقِ جمہوریت ہونا چاہیے۔
واضح رہے کہ جسٹس ریٹائرڈ وجیہہ الدین پہلے پی ٹی آئی میں شامل تھے، جہاں اختلافات کے بعد ان کی تحریکِ انصاف کی بنیادی رکنیت معطل کر دی گئی تھی، اختلافات بڑھنے کے بعد انہوں نے پی ٹی آئی سے اپنی راہیں جدا کر لی تھیں۔
پی ٹی آئی سے علیحدگی کے بعد جسٹس وجییہ نے عام لوگ اتحاد پارٹی کی بنیاد رکھی، جہاں اس کی سربراہی کا تنازع پیدا ہو گیا تھا۔
الیکشن کمیشن نے اس تنازع کے حوالے سے درخواست کا فیصلہ سناتے ہوئے جسٹس ریٹائرڈ وجیہ الدین کو عام لوگ اتحاد پارٹی کا سربراہ مقرر کیا تھا۔
