سختی کرنے سے غیرقانونی بیرون ملک جانے والوں میں کمی ہوئی، ایف آئی اے حکام کی قائمہ کمیٹی کو بریفنگ

سینیٹ کی قائمہ کمیٹی کابینہ سیکریٹریٹ کے اجلاس کے دوران فیڈرل انویسٹیگیشن ایجنسی (ایف آئی اے) حکام نے بتایا کہ سختی کرنے سے غیرقانونی طور پر جانے والوں میں 45 فیصد کمی ہوئی ہے۔ 

اجلاس کے دوران ایف آئی اے حکام کا کہنا تھا کہ 160 افراد لیبیا اور 15 پولینڈ سے ڈی پورٹ ہوئے، ان کی منزل لیبیا نہیں تھی۔ ان کا یہ بھی کہنا تھا کہ 60 ترکیہ سے ڈی پورٹ ہوئے جن کی منزل سعودی عرب یا کوئی اور ملک تھا۔

ایف آئی اے حکام کے مطابق یورپی یونین نے ویزا کیلئے ہم سے نرمی کا کہہ دیا ہے۔

اس دوران کمیٹی چیئرمین رانا محمود الحسن نے کہا کہ دفتر خارجہ والے دستاویزات تصدیق کے نام پر لاکھوں روپے لے رہے ہیں، اسحاق ڈار نے بتایا کہ انہوں نے 6 افراد پر پرچے کیے، وہ اگلے دن ضمانت کروا کر آگئے۔