پیٹرول کی قیمت میں مسلسل دوسرے روز اضافہ، ڈیزل بھی مہنگا کردیا گیا

پیٹرول کی قیمت میں رواں ہفتے کے مسلسل دوسرے روز اضافہ کردیا گیا ہے، جبکہ گزشتہ روز کمی کے بعد آج ڈیزل بھی مہنگا کردیا گیا۔

اوگرا کی جانب سے پیٹرولیم مصنوعات کی قیمتوں میں تبدیلی کا نوٹیفکیشن جاری کردیا گیا ہے۔

نوٹیفکیشن کے مطابق پیٹرول کی قیمت میں ایک روپیہ 8 پیسے جبکہ ڈیزل کی قیمت میں 51 پیسے فی لیٹر اضافہ کردیا گیا ہے۔ 

اضافے کے بعد پیٹرول کی فی لیٹر قیمت 343 روپے 87 پیسے جبکہ ڈیزل کی قیمت 370 روپے 92 پیسے فی لیٹر مقرر کردی گئی ہے۔ 

نوٹیفکیشن کے مطابق پیٹرولیم مصنوعات کی قیمتوں میں تبدیلی کا اطلاق آج رات 12 بجے سے ہوگا۔